مسلسل 2020

Read Time:1 Minute, 38 Second

بقلم عصام الشمري
متابعة : ماجد لفته العابد

من الحلقة 1 الى 23
اخراج: فيليب اسمر .. تأليف: بلال شحادات، ندين جابر
فيليب اسمر شاب عمره 34 سنة بس تجربته اكبر من عمر مخرجين كبار (بالعمر) بالعراق، اول مسلسل اله سنة 2009 (خطوة حب) اخرج 12 مسلسل قبل اخراجه لمسلسل 2020 واهم اعماله (خمسة ونص) وهذا يدل على حجم الفرص الي تنطيها الدول للمخرجين الشباب لذلك تشوف اكو تطور مستمر بكل الدول عدى العراق تماما لو يبقون لازكين بشياب فاشلين لو يجيبون مخرجين عربيين فاشلين لو ينطون فرص لشباب ما الهم علاقة بالاخراج لان اكو واسطة الا ما ندر من بعض التجارب مثل تجربة ام بديلة
فيليب راسم شخصياته بشكل واقعي عظيم بحيث صار عدنا تعاطف وي كللل الشخصيات من اول حلقة وكدر يحقق الي مكتوب بالنص تماما، الشغل على الممثلين جان واضح جدا بدليل التحول الكبير الي بشخصية (نقيب سما او الخادمة حياة) وشلون اكو فرق كولش جبير من تلعب كل شخصية وهذا ينحسب للمخرج وايضا للمثلة الجميلة #ناديننسيمنجيب Nadine Nassib Njeim (المنهنهة) الي ذكرتني باداء احمد حلمي بفيلم كده رضا كسبت تعاطفنا وخوفنا واعجابنا وشاركها النجم الكبير #قصي_خولي Kosai Khauli بهاي الشخصية المركبة تاجر المخدرات او الشاب الطيب الكريم العاشق (يا عفو الله) شلون شخصية مهمه ومؤثرة وكدر يكسب تعاطف الكل حتى المنهنهة
كل الممثلين جانوا رائعين حتى اصغر كومبارس وهاي ايضا تحسب للمخرج والمساعدين من فريقه
القصة مو جديدة بالطرح لكن مهمه ومليانه مفاجئات وتشويق وكدرت تلزم المشاهد من اول حلقة وولا مرة هبط الايقاع بسبب كثرة الاحداث والحفاظ على القصة الرئيسية وجعل القصص الثانوية تصب بمصلحة القصة الرئيسية اضافة الى اهمية الحوار الي جان الاساس لعمق الشخصيات المكتوبة بشكل جميل ومفرات العمل الي راح تبقى ملازمه بافواه الجمهور

الادارة الفنية شغلهم جان عظيم جدا ومدروسة بي ادق التفاصيل واصغرها
ادارة التصوير وهذا المجهود الرائع بكل لقطة
الموسيقى التصويرية ما نسمعها اله بمكانها الصح ويا سلام على المونتير المشتغل صح بكل لقطة ما يضيع الصوت اثناء الموسيقى التصويرية
الانتاج حلو والصرف واضح وهاي تحسب لمنتج مهم جدا صادق انور الصباح واعتقد هو اهم منتج بعد تامر مرسي

مسلسل 2020 اقوى منافس للدراما المصرية

About Post Author

admin

وكالة أنباء إخبارية عراقية عربية دولية مستقلة مهتمة بشأن السياسي والاقتصادي والمرأة والطفل العربي على وجه الخصوص تعمل ضد الأنظمة الاستبدادية والتيار السياسي الإسلامي الفاسد , ندعم مشاريع الوحدة العربية ضد المهيمنات الخارجية .

admin@alarabiya24news.com

https://alarabiya24news.com