مسلسل ملوك الجدعنه

Read Time:1 Minute, 0 Second

بقلم عصام الشمري
متابعة : ماجد لفته العابد

من الحلقة 1 الى 22
اخراج: احمد خالد موسى .. قصة: ما كاتبين اي اسم
سيناريو وحوار: عبير سليمان، امين جمال
احمد خالد موسى هذا الشاب المهم الي اخرج للتلفزيون (مملكة ابليس، ابو عمر المصري، الحصان الاسود، الميزان، بعد البداية) واخرج للسينما (هروب اضطراري ولص بغداد) يفاجئنا بعمل سطحي وبسيط ودخول كولش كولش اوفر ومستهلك من السبعينات ويشبه الف فكرة وفكرة وبصراحة اني بقيت اتابعة علمود عمر عبد الجليل
زوايا الكامرا بسيطة القطع حاد الاكشن سئ جدا الاحداث غير منطقية لا بالتسلسل الدرامي ولا الاخراجي استخدام الموسيقى بكثرة رغم بساطتها وعدم استغلالها درامياً من اول حلقتين ممكن تكدر تتوقع بقية المسلسل
اكثر شي حبيته بالمسلسل هي حركة الكومبارس المنتظمة والجميلة والسلسلة، تماماً عكس الي نشوفه بكل الاعمال العراقية الي نشوف الكومبارس يبارعون على الكامرا او يخلوهم مدنكين حتى يسيطرون عليهم
العمل ما بي ممثل غير دلال عبد العزيز وعمر عبد الجليل رغم ابطاله الاوفر اوفر اوفر
الحوار بهواي مشاهد يكون مكتوب حلو وبي عمق ودلالات رمزية لكن الي يعاب عليه مو مناسب لثقافة الشخصيات الي تكوله وهذا يعاب عليهم رغم جمال المفردات
الازياء صفر
المونتاج باحيان كثيرة يخذل الحكاية وادارة التصوير ممساعدة ان يشتغل المونتير بشكل افضل
الادارة الفنية جيدة الى حدا ما وتتحسن بالمواقع الخارجية
ادارة التصوير يعني شايله روحها
الانتاج مصروف عليه
ملوك الجدعنة مخيب للامال

About Post Author

admin

وكالة أنباء إخبارية عراقية عربية دولية مستقلة مهتمة بشأن السياسي والاقتصادي والمرأة والطفل العربي على وجه الخصوص تعمل ضد الأنظمة الاستبدادية والتيار السياسي الإسلامي الفاسد , ندعم مشاريع الوحدة العربية ضد المهيمنات الخارجية .

admin@alarabiya24news.com

https://alarabiya24news.com