Read Time:1 Minute, 4 Second

بقلم عصام الشمري
متابعة : ماجد لفته العابد

من الحلقة 1 الى 21
اخراج: ديفيد اوريان .. تأليف: ندى عماد خليل
ديفيد شاب بنهاية العشريانات من عمره وحسب علمي اول مسلسل اله (وجع الروح) واخر اعماله مسلسل (50 الف) قبل اخراجه لام بديلة
المخرج بهذا العمل مسوي كل الي مطلوب منه، الصورة جميلة جدا بيها الطابع التركي الجميل وبنفس الوقت بيها عمق ودلالات كثيرة، المعالجة الاخراجية الحاضرة بكل وقت ويعرف وي يخلي كامرته وزواياه حلوة
وخلوني افرح هواي هواي هواي لممثلينه الابطال شنو هل جمال شنو هل الاداء المبهر شنو هل امكانيات الكبيرة فرحانلكم جدا زهور علاء #جمانةكريم #هندكامل #عادلعباس #الكسندرعلوم #مروةكرم #زيدالملاك وغيرهم الكثير من الممثلين العراقيين المتميزين حتى باصغر الادوار
وهذا رهاني الي جنت دوم احجي عنه انه الممثل العراقي شاطر لكن الخلل بالمخرج الي ميشتغل وي الممثل ومن اجه مخرج يعرف قيمة الممثل شفنا الممثل العراقي شلون برز وعبر حتى الممثلين اللبنانيين حتى الكسندر ومروة الي اول مرة يمثل
جمانة شنو هل امكانية والطاقة الكبيرة
ركوز هند كامل الجميل
كاركتر عادل عباس وتنقلاته العظيمة
استرخاء زهور وتحول شخصيتها
ندى عماد مشتغلة على الحكاية بصورة جميلة وهي حكاية نادرة بس مرات يهبط الايقاع لقلة الاحداث وعدم وجود مفاجئات مهمه بالكتابة
ادارة التصوير جميلة والاضاءة عظيمة
الادارة الفنية محسوبة وكولشي تمام مثل ما مطلوب
المونتاج سلسل وجميل
الازياء صح ميه بالميه
الانتاج مصروف عليه والمؤاخذة الوحيدة عليه انه مشاهد العراق متصورات بلبنان ومبينه اللوكيشنات الخارجية والداخلية
ام بديلة عمل يستحق المشاهدة

About Post Author

admin

وكالة أنباء إخبارية عراقية عربية دولية مستقلة مهتمة بشأن السياسي والاقتصادي والمرأة والطفل العربي على وجه الخصوص تعمل ضد الأنظمة الاستبدادية والتيار السياسي الإسلامي الفاسد , ندعم مشاريع الوحدة العربية ضد المهيمنات الخارجية .
Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Previous post مسلسل 2020
Next post مسلسل ملوك الجدعنه
× How can I help you?
How can I help you?