مسلسل مذكرات رصاص من الحلقة الاولى الى الحلقة السابعة

Read Time:54 Second

تأليف واخراج: عباس العلاق

بقلم المخرج عصام الشمري

متابعة العربية 24 نيوز : ماجد لفته العابد

عباس مخرج شاب طموح وخلوق وبتطور مستمر

الولد عينه حلوه وفكرة جيد وهذا اول عمل يخرجه وهاي تحسبله مهما كانت نتيجة المسلسل

وبما انه اني دا اكتب مسلسل فخلوني اعترض اولا على هاي التسمية، عناصر العمل رايحة للافلام القصيرة اكثر من كونها مسلسل لقطات العمل وتكويناته وحواراته ما تنتمي للتلفزيون وهاي مو سلبية بس هم مو ايجابية

احيانا كثيرة صاب العمل هبوط بالايقاع بسبب قلة الحوارات ولللقاطات الطويلة

اغلب ممثلينه جانوا جيدين وافضل من هواي ممثلين طلعوا بغير اعمال رغم عدم احترافيتهم

بالتأليف عباس كان غير موفق تماما لعدة اسباب اولها واهمها ما حبيت اشوف الحشد بهيلمان ملائكي واحنة اصلا جاي نكول هاي قصص تأليف مو احداث حقيقية ولو مستعين عباس باحداث واقعية كان خلص من هذا المأزق

الحلقة الرابعة سابقا وان حجيت عليها جانت مميزة ومهمه وبيها كل عناصر التشويق والدهشة والايقاع

التصوير لعلي محمد جاسم جان حلو ما بي اي مشاكل

الادارة الفنية بسيطة (عدى الحلقة الرابعة)

الانتاج واضح جان بجهود بسيطة

المونتاج تكنيك جان حيد بس جان ممكن يستخدم المونتير حلول مونتاجية افضل

About Post Author

admin

وكالة أنباء إخبارية عراقية عربية دولية مستقلة مهتمة بشأن السياسي والاقتصادي والمرأة والطفل العربي على وجه الخصوص تعمل ضد الأنظمة الاستبدادية والتيار السياسي الإسلامي الفاسد , ندعم مشاريع الوحدة العربية ضد المهيمنات الخارجية .

admin@alarabiya24news.com

https://alarabiya24news.com