اخراج اياد نحاس .. تأليف محمد حنش
بقلم المخرج عصام الشمري
متابعة العربية 24 نيوز : ماجد لفته العابد
القصة مو سيئة بس معالجتها بسيطة جدا والحوارات عادية اما تكرار الحوارات ما اعرف بالنص لو بسبب المخرج ويمكن بسبب المونتاج ، هواي يكولون القصة تشبه مسلسل فريحة التركي بس بما انه اني مشايف فريحة فما اكدر اكول اذا اكو شبه فعلاً لو لا بكل الاحوال هذا العمل نقطة جيدة للمؤلف كونه كان يكتب سكجات كوميدية فقط وهذا اول عمل درامي اله
الاخراج هو النقطة الاضعف بالمسلسل ايقاع واكع زوايا بسيطة ماكو اي قيادة للمثلين كلمن يمثل بكيفه لكن الاداء الاقوى والاهم بهذا العمل هو صبا ابراهيم الله على تلقائيتج اختيار سئ للكاركترات واداء البطل هو الاسوء من بين الجميع من غير اضافات المخرج السيئة على السكربت مثل مشهد التحرش الي بالكلية، الفلاش باكات المكررة المملة ما الها ستين داعي (الايقاع بوية الايقاع وهنا السؤال الاهم اذا المخرج بهذا المستوى ليش يجيبون مخرج من سوريا واحنة وعدنا عزام صالح و بهاء الكاظمي وشباب كولش شطار، هل فعلا اكو جهات تسعى لتهديم الدرما العراقية واثبات فشلها ؟!)
الموسيقى التصويرية ممله
الادارة الفنية مو سيئة
التصوير مجان بافضل حالاته
وهذا حدي وي مسلسل طيبة ما اكدر اكمل بعد
