مسلسل العدلين من الحلقة الاولى الى الحلقة التاسعة الاخيرة اخراج: حسن حسني .. تأليف:غرفة الكتابة

Read Time:54 Second

بقلم المخرج عصام الشمري

متابعة العربية 24 نيوز : ماجد لفته العابد

المخرج والمؤلفين اخفقوا اخفاق كبير بالحلقة الاولى حكاية غير منطقية واخراج غير منطقي

الحلقة الثانية بدت تتعدل الامور وبالثالثة افضل وكلما تقدمت الحلقات كلما زاد الايقاع وارتفعت بقية العناصر من اخراج وقصة

اداء الممثلين متفاوت كلمن هو وشطارته يعني المخرج ممشتغل وي الممثلين لان هو اصلا ممثل اوفر لذلك صعب يشتغل على ممثل بس جنت ضايج على اداء طه المشهداني لان اعرف طه شكد ممثل مهم لكن بهذا العمل مجان بافضل احواله لكن هنا خلونه نزكر على اهم الممثلين

مبارك لزينة الدليمي هذا الاداء المسترخي ومباركة كبيرة لصديقتي الما احجي وياها Zamen Ali على هذا الاداء الكبير وأي مهرجان يخص دراما 2021 ما يحتفي بيج معناها يجاملون ويبيعون كولش فرحانلج حتى اذا بعدنا متزاعلين

بالنسبة للكومبارس بقى المخرج لحد اخر لحظة ميعرف شلون يحركهم وشلون يتحكم بيهم وهذا دليل على ضعفه الاخراجي كل مشاهد ضرب النار جانت قديمة وبائسة

اخر حلقة حلوة وبجتني لكن النهائية مجانت مرضية

الموسيقى التصويرة جانت جيدة

التصوير مو سئ بس مو جيد

الادارة الفنية عادية

الانتاج جيد الى حدا ما

#مشاهدات_رمضان

About Post Author

admin

وكالة أنباء إخبارية عراقية عربية دولية مستقلة مهتمة بشأن السياسي والاقتصادي والمرأة والطفل العربي على وجه الخصوص تعمل ضد الأنظمة الاستبدادية والتيار السياسي الإسلامي الفاسد , ندعم مشاريع الوحدة العربية ضد المهيمنات الخارجية .

admin@alarabiya24news.com

https://alarabiya24news.com