مقالات

شهر العسل للشعب العراقي :

العربية24نيوز

اعرف هذه الانتخابات عسيرة سيولد من رحمها ولادة حكومة معوقة فكريا وجسديا وسيفوز كثير من السياسيين الماكرين و الفاسدين واللصوص الذين يسرقون هذا البلد طيلة ١٨ عام فهم نجحوا بغسيل ادمغة البعض من السذج من العراقيين عبر تلبية طموحاتهم البسيطة وهي حقوق عبر توفير وظائف وتعيين أبنائهم عبر تثبيت عقود واجور يومية توزع في مجالس المرشحين او توزيع بطانيات وسلة غذاء او قطع اراضي اخفوها عليك طيلة الفترة السابقة وتذكروا قبل الانتخابات فهم يسرقون رغيفك ويعطونك كسرة خبز …
مشكلة العراقي يصدق ويقبل يد المرشح الذي يسرق حقك في التعيين وان تجد مستقبل لأربع سنوات وعند الانتخابات توزع الهدايا والجوائز او تبليط شارع منطقتك اربع سنوات والنائب نائم يصحى قبل الانتخابات #شهر_العسل يسموه للشعب العراقي يلبسك الحرير ويطعمك الوفير ويصعدك على اكتافه شهر واحد شهر الانتخابات وبعدين بعد ما تشوفه …

لان راح تبدي دورة حياة جديدة ليرقة النائب وراح يشفط ميزانية الدولة عبر صفقات وامتيازات ويوم ليلة يتغير حالة من سندريلا اللي تمسح وتكنس الى أميرة بقصر بكنغهام خدم وحرس وسيارات وايفادات يومية بدولة وفنادق مريحة ووجوه حلوة حتى يغير زوجته ويتزوج وحدة تحسن نسله ونسل اللي خلفوه .واما جبار وحمدان ومزعيل يبقى الحال كما هو عليه لحد ما تنتهي الأربع سنين عود يغنولهم اغنية سيدة فيروز زورني كل اربع سنين مرة ..مجرد التذكير بحالنا الكهرباء باقية وازدحامات تتمدد والعراقي يتكاثر …صدك لاتنسى غمس اصبعك زين واخذ صورة وانت واصبعك ومن تخلص الأربع سنين تعال احجيلي …

المقال يعبر عن رأي الكاتب

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى